د ايران د انقلاب ستر لارښود وفرمايل:

دخواصودنده د شفافو دریځونو غوره کول دي .

  د اسلامي انقلاب ستر لارښود ټينګار وکړ د فتنې او کړکیچنه فضا کښې د درستو په تیره بیا د شخصیتونو دنده داده چي شفاف دریځونه غوره کړي او له دوه مخیزو دریځونو او څرګندونو ډډي وکړي .
د اسلامي انقلاب ستر لارښود حضرت آیت الله العظمی سید علي خامنه اي نن د ایران د سباون لسیزو د کمیټو له مشرانو او د اسلامي تبلغیاتو د غږملتیا د شورا له مسئولانو سره په کتنه کښې وفرمایل دښمنان تل د فضا د شفاف والې مخالف دي ځکه هغوئ د فتنې او کړکیچ په ډکه فضا کښې خپلو هدفونو ته رسیدلاي شي .
د رهبرۍ ستر مقام ټینګار وکړ په اوسنیو شرايطو کښې د نظام درست کورنې سیاسي بهیرونه او ګروهنې باید له دښمن سره خپلي پولي په ډاګه او روښانه کړي او په دغه منځ او مان کښې د شخصیتونو دنده له نورو درنده ده .
د اسلامي انقلاب ستر لارښود ډاګینه کړه کله چي د استکبار او ظلم سرغنې او د اسلامي هیوادونو نیواکګر ډګر ته ننوځي او دریځونه غوره کوي نو د دوه اړخیزو او مبهمو څرګندونو کول سم نه دي ، ځکه باید روښانه شي هغه کسان چي د ایران په اسلامي جمهوري نظام کښي دي کوم دریځ لري او آیا چمتو دي چي له دښمنه ځان جلا کړي ؟
د اسلامي انقلاب ستر لارښود حضرت آیت الله العظمی سید علي خامنه اي وفرمایل کله چي یو شمیر کسان د فتني او کړکیچ په فضا کښې په ژبه اسلام نفې کوي او په عمل کښې هم د نظام جمهوریت نفې کوي او ټاکنې تر پوښتنې لاندي راولي نو له خواصو تمه داده چي خپل دریځونه او پولي معلومي کړي .
د رهبرۍ ستر مقام د ایران د اسلامي انقلاب او په تیرو دیرشو کلونو کښې د انقلاب د کلیزي د دستورو مهمه ځانګړنه د اسلامي انقلاب د بڼې موندنې د اصلي عنصر په توګه د خلکو متحد او پراخ شتون او د اسلامي انقلاب اساسي شعارونو ته دهغوئ پایبندي وبلله او ویې فرمایل هر کال د سلواغې په ۲۲ د خلکو ملیونې شتون د خلکو په ایمان د انقلاب د اتکا نښه ده .
د اسلامي انقلاب ستر لارښود جوته کړه هر کال ددغه ملیونې او منظم شتون معنا داده چي اسلامي انقلاب او له هغه جوړ نظام په خلکو او د هغوئ په باورونو ولاړ دی او د اسلامي نظام په لړزانه کولوکښې د دښمن د بې وسۍ اصلي دلیل هم همدا موضوع ده .

په امريکې کښې د سعودي عرب د وهابي مفتيانو د کفر د فتوو ګزارش خپريږي

د واشنګټن د خليج فارس د مطالعاتو مرکز د سعودي عرب د وهابي و تندرويه مفتيانو د کفر او تيرورسټۍ فتواګانو يو ګزارش په انګريزۍ ژبه خپروي.

 د واشنګټن د خليج فارس د مطالعاتو مرکز دا اراده کړې ده چې د سعودي عرب د هغه وهابيانو عالمانو او مفتيانو د کفر او ديني تنفر فتواګانو او بيانونه چې په نورو دينونو يې تورونه لګولي دي په يو ګزارش کښې خپاره کړي.

دې مرکز همدارنګ، د دې ګزارش په سلګونو نسخې د امريکې د مجلس په غړو کښې ويشلي دي، او د امريکې مقاماتو، مشرانو، د څيړنو په مرکزونو، سفارت خانو او دامريکې په رسندويو کښې به وويشل شي.

د پاكستان په لاهور ښار كې د " فلسطين د استقامت نخښه" نومی سيمينار تر سره كیږی

د پاكستان په لاهور ښار كې د ايران د كلتوری مركز خانه فرهنګ په كوششونو سره د " فلسطين د استقامت نخښه" نومی يو سيمينار تر سره كیږی

د يو راپور پر اساس، په لاهور د ايران د كلتوری مركز (خانه فرهنګ) په اوولسمی جنوری (نن) د فلسطين د استقامت نخښه تر موضؤع لاندې يو سيمينار په لاهور كې د خانه فرهنګ په امام رضا عليه السلام هال كې تر سره كیږی.

په دې سيمينار په لاهور كې د ايران د كلتوری مركز مشر ښاغلی عباس فاموری په لاهور كې دايران دكونسل خانی مشر ښاغلی خرازی د پاكستان د اسلامی جماعت ګوند ستر سكتر ښاغلی لياقت بلوچ د قران پاك قاری ښاغلی زوار بهادر د منهاج القران تحقيقی سنټر مشر ښاغلی علی اكبر اظهری د لاهور د جامعه نعيمينه مششر ښاغلی راغب نعيمی او په ښځو كې سياسی فعال كسان انيس مجيد د پاكستان د پارلمان غړی بشری رحمان د پاكستان پارليمان پخوانی غړی عفيفه ممدوت او ابادی د ودانولو وزير ګډون كوی.

په امريکې کښې په انګريزۍ ژبه لومړنې اسلامي ريډيو شورو شو

په امريکې کښې په انګريزۍ ژبه لومړنې اسلامي ريډيو شورو شو

په امريکې په لومړي ځل په انګريزۍ ژبه اسلامي ريډيو په دې غرض شورو چې د امريکې په کيلفورينا ولايت کښې په «اروين» ښار کښې د اسلام صحيح انځور وړاندې کړي.

د دې ريډو جوړوونکي «نور مطر» د مرغومي د مياشتې په 24نيټۀ د دې ريډيو د شورو کيدو په پروګرام کښې وويل: د دې ريډيو د شورو کيدو غرض دا دی چې د ټولنې د بيلا بيلو خلکو تر مينځ مفاهمت او دوستي جوړه کړي او د امريکې د کمو مسلمانانو بد حالت ورسره ښه شي.

هغه زياته کړه: په امريکې کښې ځينې غلط او ګمراه کوونکي مطلبونه د دې سبب شوي دي چې مسلمانان په شبهو اخته شي او په غلطو او ګمراهو فکرونو اخته شي نو دا ريډيو دا هڅه کوي چې د دا رنګ پښتنو ځوابونو ورکړي.

نور مطر يو ارديني مهاجر دی چې په امريکې کښې اوسيږي.

د افغانستان مسلمانو د نيټو د فوځيانو د قران په سپکاوي باندې نيوکه کړې ده

د افغانستان په هلمند ولايت کښې په ګرمسير سيمه کښې تېره ورځ د مرغومي د مياشتې په 22نيټه د نيټو د فوځيانو د قران د سپکاوي په خلاف مظاهرې وشو.

د نيټو فوځيانو د يکشنبې په ورځ د طالبانو په خلاف په بريد کښې د مسلمانانو د اسماني کتاب سپکاوې کړې و چې د دې خبرې خپريدو سره مسلمانان ډېره په غصه کښې شول.

په پروني مظاهرو کښې چې پکښې جنګ ته خبره ووته، د افغانستان امنتي فوځيانو او د نيټو فوځ سره په نختو کښې شپږ عام کسان ووژل شو.

د دې کال د خزان په اخر کښې هم امريکانيانو په وردک ولايت کښې د قران کريم سپکاوې کړې و چې مسلمانانو هيوادونو پرې نيوکې کړې وې که څه هم د امريکې لويانو او د افغانسان د امنيتي فوځ مقاماتو دا خبره بې اساسه وګڼله.

جدال احسن د ټولنې خاصو کسانو سره دی نه عامو خلکو سره/ ټول دې بايد د هيواد په ګټه خبرې وکړي

جدال احسن د ټولنې خاصو کسانو سره دی نه عامو خلکو سره/ ټول دې بايد د هيواد په ګټه خبرې وکړي

د تهران د جمعي لمانځه خطیب آیت الله امامي کاشاني نن د تهران د جمعي لمانځه خطبو کښې د مخالفو ‌ډلو په جذب او دفع کولوکښې د رهبرۍ د ستر مقام سپارښتنو ته اشاره وکړه او مخالفو سیاسي ګوندونو او ډلو ته یې سپارښتنه وکړه د هیواد کورني شرایط درک کړي او له افراط پالنې ډ‌ډه وکړي .

د تهران د جمعي لمانځه خطیب د قرانکریم دسپارښتنو په چوکاټ کښې سیاسي ګوندونو په خبرو اترو او مناظرو ټینګار وکړ او ویې ویل حکمت ، موعظه او استدلال د مناظرې اساس دی او سیاسي ډلي او شخصیتونه دي علمي بحثونه ومني .
آیت الله امامي کاشاني د مرغومي په ۹ په لاریونونو کښې د پراخ او ولوله ناک ګډون په دلیل د ایران د ستر ملت قدرونه وکړه او ویې ویل په دي ورځ د خلکو حرکت هغه دسیسي او شعارونه شنډ کړل چي د عاشورا په ورځ ورکړل شوي ؤ .
د تهران د جمعي لمانځه خطیب د تهران پوهنتون د استاذ مسعود علي محمدي د شهادت په باب تسلیت ووایه اوویې ویل هیله من یم دغه ترخه پیښه په تیره بیا د هیواد علمي ټولنې لپاره د ودي او پرمختګ لامل شي او پوهنتونوال دي پوهه شي چي دښمن کوم ځاي په نښه کړی دی او خپل درس او څیړنو ته لا زیات اهمیت ورکړي

د قوم د نوې کابينې اعلان وشو

د قوم د نوي کابينې اعلان د سيد محمد سبطين په صدارت کښې وشو

په دې کابيني  کښې ځينې نايب صدر حسين اصغر، سکټري شيخ مصطفی، بيا رشيد رضا، مشتاق او بل رياض په کابينې کښې راغلي دي چې انشاء الله دا کسان به د قوم په ښه طريقه خدمت وکړي.